Ish-deputeti i Lëvizjes Socialiste për Integrim Përparim Spahiu ka denoncuar fitimet marramendëse të kompanive koncesionare që japin shërbime në sistemin shëndetësor shqiptar.
Me anë të një reagimi në rrjetet sociale, Spahiu nxjerr dhe shifrat e këtyre fitimeve që sipas tij kapin vlerën e 311 milionë euro për 10 vjet.
Në fund të reagimit ish-deputeti shtron edhe një pyetje të cilën e konsideron të rëndësishme :
“Meqenëse sektori i shëndetësisë, historikisht ka qenë i nënfinancuar në Shqipëri, duke u vërtitur në mes 2-2.5% të PBB-së, më mirë risnim buxhetin vjetor për shëndetësinë apo dhënie me konçension privatëve!?”, shkruan Spahiu.
STATUSI I PLOTE I ISH-DEPUTETIT PERPARIM SPAHIU
311 milion euro për 10 vjet kostot e dhënies me konçension kompanive private. 2.1 milion euro fitim për 2018-n raporton kompania Sani Servise e cila ofron shërbimin e sterilizimit të instrumentave kirurgjikale (kostot e sterilizimit kalojnë ato të ndërhyrjeve kirurgjikale, nonsens i madh sipas ekspertëve).
731 mijë euro fitime raporton kompania 3P LifeLogistic e cila ofron shërbimin e Check-Up. Kontratë që do të zgjasë 10 vjet ku taksapaguesit do ti paguajnë 54 milion euro edhe nëse nuk bëhet asnjë analizë. Kompania DiaVita, e cila ofron shërbimin e dializës realizoi 381 mijë euro fitime vitin e kaluar. Un kisha vetëm një pyetje, për ekspertë, por dhe jo, të financave.
Meqenëse sektori i shëndetësisë, historikisht ka qenë i nënfinancuar në Shqipëri, duke u vërtitur në mes 2-2.5% të PBB-së, më mirë risnim buxhetin vjetor për shëndetësinë apo dhënie me konçension privatëve!? Vetëm një analizë e tillë e kostove me përfitimet do e sqaronte situatën, kaq kërkohet.
