LIGJET E BIZNESIT
Kryeministri Edi Rama vijon në mënyrë të përditshme tashmë publikimin e mesazheve të personazheve publikë që janë pro prishjes së godinës së Teatrit Kombëtar.
Këtë herë ai ka zgjedhur aktorin Bujar Asqeriu, i cili shprehet se nuk është mbështetës i protestave dhe se duhet dëgjuar arkitektët.
Asqeriu shkruan se në atë godinë kanë vdekur shokët e tij dhe se duhet ndërtuar një godinë e re.
Fillimisht Bujar Asqeriu ka qenë ndër artistët e parë që ishin kundër shembjes së godinës por ende nuk dihet cila ishte arsyeja që ndërroi mendim dhe nuk iu bashkua më protestës.
STATUSI I PLOTE I KRYEMINISTRIT EDI RAMA
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Aktori i famshëm, Bujar Asqeriu, i përket një brezi të ndërmjetëm, mes mjeshtrave që themeluan Teatrin Kombetar gjatë epokës komuniste dhe të rinjve, që erdhën në skenë kur regjimit komunist i erdhi fundi.
Ai krijoi një galeri të pasur rolesh, në ekran dhe në skenë, duke fituar zemrat e respektin e publikut. Në këtë çështjen, “prishet nuk prishet” rrënoja e teatrit, Bujari ishte zëdhënës i fuqishëm i protestës fillestare; kur i tërë komuniteti u mblodh bashkë, për të garantuar vijën e kuqe të mosprekjes së territorit të Teatrit Kombëtar për ndërtime të tjera.
Qyshse kjo çështje u sqarua qartë e prerë me qeverinë e me bashkinë, që s’kanë pasur kurrë ndërmend të përdorin truallin e teatrit për tjetër gjë, përveçse për ndërtimin e Teatrit të Ri Kombëtar, Bujar Asqeriu, njësoj si shumica dërrmuese e komunitetit teatror, mbështet pa rezervë shembjen e të vjetrit e ndërtimin e të riut.
BUJAR ASQERIU:
Nuk jam për protesta, nuk i mbështes. Dua të dëgjohen arkitektët. Unë më në atë godinë nuk futem sepse është sëmundje. Nga ajo godinë ku vdiqën shokët e mi, më duket se jam sëmurur edhe unë. Dua një Teatër të ri dhe nuk ka më kuptim që të vihemi kundër njëri-tjetrit, por t’ua lëmë këtë çështje arkitektëve. Boll se u tepruat.
