Basha shprehet për sulmet terroriste në SHBA: Jemi përkrah miqve tanë amerikan

Në lidhje me sulmet terroriste të ndodhura gjatë ditës së djeshme ka ardhur edhe reagimi i kreut të Partisë Demokratike, Lulzim Basha.

Përmes një mesazhi në rrjetet sociale në Basha ka shprehur solidarizimin me familjet e viktimave të dy sulmeve në SHBA, Teksas dhe Ohio.

“Jam thellësisht i tronditur nga sulmet burracake dhe humbja e jetëve të pafajshme në El Paso dhe Ohio. Mendimet dhe lutjet e mia janë me familjet e viktimave dhe me të plagosurit. Shqiptarët në të gjithë botën qëndrojnë përkrah miqve tanë amerikanë dhe lutemi për familjet dhe të dashurit e tyre”, shkruan anglisht Lulzim Basha në Twitter.

Nga dy sulmet terroriste në Teksas dhe Ohio kanë humbur jetë  29 persona të pafajshëm në një qendër tregtare dhe një në një lokal.