LIGJET E BIZNESIT
Dhe shumë pak ka mbetur mbetur dhe nga Durrësi i vjetër antik dhe shume shpejt nuk do të kemi më asnjë gjurmë.
Masakra mbi rrënojat arkeologjike që nisur nga ish-kryebashkiaku Vangjush Dako, po vazhdon edhe sot që në krye të kësaj bashkie është Valbona Sako.
Masakra mjedisore dhe kulturore po ndodh në zonën muzeale tek Vila e mbretit Zog në Durrës. Në fakt leja është dhënë në kundërshtim me çdo lloj norme, pasi kjo është një zonë shumë e pasur arkeologjike, por gjithashtu edhe shumë e rrezikshme për shkak të rrëshqitjeve.
Nga disa foto të mbërritura në redaksinë e Fast news Albania shikohet shumë qartë se pasi është hapur gropa për ngritjen e pallatit janë zbuluar disa mbetje arkeologjike.
Ajo që përbën akoma dhe më shumë habi nga ky rast i denoncuar në redaksinë tonë, është se policia ka mbërritur aty për ta marrë në mbrojtje objektin, por nuk dihet nëse aty kanë mbërritur edhe ekspertë të fushës, arkeologë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Punimet në këtë zonë të Durrësit kanë filluar që prej një muaj, kur më herët u fillua me prerjen e disa pemëve.
Ky kompleks banimi kundërshtohet me forcë nga qytetarët e kësaj lagje në Durrës, të cilët thonë se ky ndërtim mund të bëhet burim i rrëshqitjeve që janë të zakonshme në këtë zonë.
