Pas lajmit që qarkulloi se kishte nisur bashkëjetesën prej një viti me partnerin e saj në Tiranë, një tjetër lajm i ëmbël vjen nga vajza e ish-kryeparlamentares Jozefina Topalli, Megi Topalli.
Mësohet se ajo është shtatëzënë, në pritje të fëmijës së parë.
Por kush është partneri i saj, shkodrani që miqtë e thërrasin “Angjo” dhe që ka rrëmbyer zemrën vajzës së politikanes së njohur?
Ai quhet Angjelin Serreqi dhe cifti bashkëjeton prej një viti në një apartament në Tiranë.
Angjelini është pinjoll i një familjeje të vjetër e të njohur shkodrane dhe se lidhja e tyre është bërë tashmë edhe zyrtare mes dy familjeve, shkruan ShkodraWeb.
‘Angjo’ siç e thërrasin miqtë ka jetuar për disa vite në Itali ku ka përfunduar edhe studimet në Universitetin e Padova-s për shkenca kompjuterike.
Prej më shumë se 1 viti e gjysmë informaticieni është zhvendosur në Tiranë ku drejton edhe kompaninë e tij që merret me shërbim IT dhe zhvillim softëare-sh për bizneset.
Dy shkodranët e dashuruar: ajo ekonomiste e ai informaticien po shijojnë romancën e tyre prej disa muajsh dhe duket se janë gati të bëhen prindër për herë të parë.
Madje Jozefina dhe vajza e saj e ndjekin Angjelinin në rrjetet e tij sociale, ku edhe tregohet tejet i rezervuar.
