Turistja denoncon dy kushërinjtë shqiptarë: Më përdhunuan dhe më detyruan ti paguaj

Dy të rinj shqiptarë, të moshës 23 dhe 28-vjeç, kushërinj me njëri-tjetrin që aktualisht banojnë në Greqi, akuzohen se kanë abuzuar seksualisht me një turiste në ishullin grek të Rodosit.

Mediat greke shkruajne se turistja nga Norvegjia e moshës 19-vjeç, ka bërë denoncim në polici.

Pas denoncimit dy shqiptarët, identiteti i të cilëve ende nuk bëhet i ditur, u shoqëruan në ambientet Komisariatit dhe po përballen me autoritetet e vendit fqinj.

Ata gjatë dëshmisë mohuan totalisht akuzat madje kanë thënë se gjith çka ka ndodhur me dëshirën e saj.

Ka qenë dhe avokatja e dy shqiptarëve, Maria Krikopoulou e cila ka mbështetur pohimin e djemve dhe tha se denoncimi i norvegjezes është i qëllimshëm për të përfituar nga siguracionet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Një detaj i rëndë gjatë dëshmisë së turistes norvegjeze është se sipas saj të dy kushërinjtë shqiptarë pas përdhunimit e kanë detyruar vajzën të shkojë te bankomati dhe ti paguajë.

Gjykata mori vendim që dy djemtë shqiptarë do hetohen të lirë.