Pasoi Dakon në krye të Durrësit, kryebashkiakja e re habit me urdhrin urgjent për punonjësit

Valbona Sako nga sot është zyrtarisht kryebashkiakja e re e Durrësit.

Ajo mori mandatin, pasi u konstitua këshilli bashkiak i Durrësit dhe menjëherë ka nisur nga puna pa humbur shumë kohë.

Urdhri i saj i parë është për punonjësit që të dalin në punë edhe ditën e shtunë.

Sipas këtij urdhri, ditën e shtunë, punonjësit e Bashkisë së Durrësit do të dalin në punë me një qëllim të vetëm, pastrimi i qytetit.

Njoftimi

Nesër bashkia dhe ndërmarrjet ndihmëse janë në ditë pune me qëllim pastrimin e qytetit, i cili fillon në 08.00 me këte plan veprimi:

1- Ndërmarrja Rruga me fadrromat do të jetë në Kampusin e Universitetit, tek ish Këneta, Durrësi i ri

2-Ndërmarrja Komunale Plazh do të jetë nga Ura e Dajlani deri në Plepa, bashkë me administratën

3-Ndërmarrja e Shërbimeve Komunale Durrës do të jetë nga Ura Dajlanit, Stacioni Trenit, Shëtitorja Taulantia deri në Currila bashkë me administratën.

4-Pallati i Sportit, Pallati i Kulturës dhe Biblioteka tek Stadiumi.

5- Arsimi (Kopshte, Cerdhe) do të jetë tek Spitali nga mbrapa.

6- Zjarrfikëset do të jenë në plazh nga ura Dajlanit deri në Plepa.

7-Administrata e Bashkisë Durres do të jetë nga sheshi Taulantia deri në Currila.