LIGJET E BIZNESIT
Në mbledhjen e datës 31 korrik, Këshilli i ministrave ka miratuar disa ndryshime në lidhje me ligjin për marrjen e nënshtetësisë shqiptare.
Sipas këtyre ndryshimeve të kërkuara me ngulm dhe të miratuara vetëm para dy ditësh, pasaportën shqiptare mund ta marrin ata që provojnë që kanë origjinë shqiptare si edhe të të huajt që lindin në Shqipëri.
Në nenin 6 të projektligjit “për fitimin e nënshtetësisë” thuhet se:
1.Shtetësia shqiptare fitohet nga i huaji, të paralindurit e të cilit kanë origjinën shqiptare, me kusht që të provohet lidhja familjare në vijë të drejtë, deri në tri shkallë, e kërkuesit me të paralindurin.
2.Në këtë rast shtetasi paraqet kërkesë për fitimin e shtetësisë shqiptare në bazë të origjinës dhe plotëson kriteret e përcaktuara në shkronjat “dh” dhe “ë”, të pikës 1, të nenit 8, të këtij ligji.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
3.Dokumentacioni i nevojshëm që provon origjinën shqiptare të kërkuesit përcaktohet me udhëzim të ministrit.
Në këtë projketligj ndryshohet edhe neni ku sanksionohej se qytetarët e Kosovës edhe pse përfitonin nga origjina nënshtetsinë i ndalohej tashmë ata mund ta rifitojnë atë.
Nga këto ndryshime në këtë ligj pritet që numri më i madh i përfituesve të pasaportës shqiptare të jenë kosovarët që jetojnë në vendin tonë, ose ata që kanë bashkëshorten te lidhur në Republikën e Shqipërisë.
