Tentoi të përdhunojë turisten e huaj, arrestohet 18-vjeçari në Himarë

Policia ka arrestuar sot një adoleshent nga Lushnja i cili kishte shkuar për pushime në Himarë.

Sipas uniformave blu ai ka tentuar të përdhunojë një turiste italiane.

Mësohet se në pranga është vënë 18-vjecari me inicialet D.L.

Ai është arrestuar në zonën e plazhit midis Himarës dhe Dhërmiut.

NJOFTIMI ZYRTAR I POLICISE

Policia ka arrestuar në flagrancë shtetasin D. L., 18 vjeç, banues në Lushnje, pasi në zonën e plazhit midis Himarës dhe Dhërmiut, ka tentuar të kryejë marrëdhënie seksuale me një shtetase italiane.

Materialet iu referuan Prokurorisë në ngarkim të tij për veprat penale ‘Marrëdhënie seksuale me dhunë me të rritura e mbetur në tentativë’ dhe ‘Ngacmimi seksual’.