LIGJET E BIZNESIT
Ditën e sotme janë publikuar vendimet e marra dje në mbledhjen e Këshillit të Ministrave.
Në listën e këtyre vendimeve bie në sy edhe përcaktimi i buxhetit filllestar për SPAK për vitin 2019, shumë e cila shkon në 150 milionë lekë.
Sipas VKM-së, kjo shifër e përcaktuar është vënë në dispozicion për të gjitha shpenzimet e mundshme, të cilat do t’i duhen këtij organizmi në kuadër të Reformës në Drejtësi. Kjo strukturë pritet të hetojë korrupsionin në nivele të larta drejtuese, përfshirë edhe rastet e mundshme në fushën e politikës.
Struktura e Posaçme Antikorrupsion do të ngrihet në muajin shtator, ndërsa tashmë qeveria ka lëvruar edhe shpenzimet paraprake gjatë muajve të mbetur të 2019.
Vendimi i miratuara në mbledhjen e Këshillit të Ministrave:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
V E N D I M PËR PËRCAKTIMIN E BUXHETIT FILLESTAR TË STRUKTURËS SË POSAÇME KUNDËR KORRUPSIONIT DHE KRIMIT TË ORGANIZUAR
Në mbështetje të nenit 100 të Kushtetutës, të pikës 10, të nenit 57, të ligjit nr.95/2016, “Për organizimin dhe funksionimin e institucioneve për të luftuar korrupsionin dhe krimin e organizuar”, me propozimin e ministrit të Drejtësisë dhe të ministrit të Financave dhe Ekonomisë, Këshilli i Ministrave
V E N D O S I:
- Strukturës së Posaçme kundër Korrupsionit dhe Krimit të Organizuar i përcaktohet për vitin 2019 buxheti fillestar prej 150 000 000 (njëqind e pesëdhjetë milionë) lekësh, për përballimin e shpenzimeve lidhur me ushtrimin e aktivitetit gjatë vitit 2019.
- Ngarkohen Struktura e Posaçme kundër Korrupsionit dhe Krimit të Organizuar dhe Ministria e Financave dhe Ekonomisë për ndjekjen e procedurave për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
