LIGJET E BIZNESIT
Panairi i 29-të i Librit “Tirana 2026”, i planifikuar të mbahej nga 11 deri më 15 nëntor, është shtyrë për në muajin dhjetor. Organizatorët bëjnë me dije se vendimi është marrë për shkak të situatës së tensionuar në Tiranë, e cila mund të ndikojë në pjesëmarrjen e vizitorëve. Panairi i 29-të i Librit “Tirana 2026” nuk do të zhvillohet në datat e parashikuara, 11-15 nëntor, por do të zhvendoset në muajin dhjetor.
Lajmi është bërë i ditur nga grupi organizator i panairit, i cili argumenton se situata e tensionuar dhe shqetësuese në Tiranë nuk do të garantonte pjesëmarrjen e duhur të vizitorëve dhe lexuesve. Sipas organizatorëve, shqetësimi lidhet veçanërisht me pjesëmarrjen e të rinjve dhe fëmijëve, të cilët përbëjnë një nga grupet kryesore të synuara të këtij aktiviteti.
Vendimi është marrë pas konsultimeve me botues, pedagogë, mësues dhe lexues. Në njoftimin zyrtar theksohet se panairi do të zhvillohet brenda këtij viti, gjatë muajit dhjetor, ndërsa datat e sakta do të bëhen të ditura në ditët në vijim. Panairi i Librit është një nga aktivitetet kryesore kulturore në vend, ku çdo vit mblidhen botues, autorë dhe lexues, duke promovuar letërsinë dhe krijimtarinë shqiptare e të huaj.
Njoftimi i plotë:
Të dashur kolegë botues dhe ekspozues të Panairit të 29 të Librit “Tirana 2026”,
Të nderuar lexues,
Grupi organizator i Panairit, pas këshillimeve me shumë botues, pedagogë, mësues dhe lexues, vlerëson se organizimi i tij në datat e parashikuara (11-15 nëntor 2026), për shkak të situatës së tensionuar dhe shqetësuese në Tiranë, nuk do të garantonte pjesëmarrjen e duhur të vizitorëve dhe lexuesve, veçanërisht të të rinjve dhe fëmijëve, të cilët përbëjnë një nga grupet kryesore të synuara të Panairit të Librit.
Ju njoftojmë se Panairi i 29 i Librit “Tirana 2026” do të zhvillohet gjatë muajit dhjetor, pra brenda këtij viti.
Datat e sakta do t’jua bëjmë të ditura shumë shpejt.
Duke ju falënderuar për mirëkuptimin dhe durimin, ju urojmë punë të mbarë!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
