Vështirësi për të blerë një banesë, Organizata Europiane dhe Shqiptare japin alarmin: Ja ku duhet ndërhyrë

Shqipëria, si dhe një pjesë e vendeve europiane kanë vështirësi në blerjen e një banmese. Kjo vecanërisjt për ata me të ardhura të ulëta, që e kanë dhe banesën e parë. Për këtë arsye, Organizata Europiane e Profesioneve të Pasurive të Paluajtshme (CEPI), përfshirë NAREA-n (Shoqata Shqiptare e Pasurive të Paluajtshme) thekson urgjencën për të adresuar këto sfida, si në nivel kombëtar ashtu edhe në atë Evropian, duke ndarë njohuri, eksperiencë dhe ekspertizë mbi lëvizjen e barrierave që pengojnë aksesin në një strehim të përballueshëm.

“Ndërsa përballueshmëria është një shqetësim universal, sfidat specifike me të cilat përballet çdo vend janë unike. Për shembull, kostot e larta të ofrimit të banesave të reja në treg mund të jenë në mënyrë disproporcionale barrë në ekonomitë ku të ardhurat mesatare janë më të ulëta në krahasim me kostot e ndërtimit dhe çmimet e tregut.

Në disa vende, migrimi i brendshëm dhe urbanizimi ushtrojnë presion të shtuar mbi tregjet e banesave, duke i shtyrë çmimet shumë përtej mundësive të individëve me të ardhura mesatare dhe të ulëta. Paqëndrueshmëria ekonomike dhe inflacioni theksojnë më tej çështjet e përballueshmërisë, duke orientuar burimet publike larg iniciativave të strehimit për të adresuar prioritetet urgjente socio-ekonomike”, theksohet në dokumentin “Strehim i përballueshëm”, publikuar nga CEPI.

Dokumenti propozon masa konkrete: reduktim të kostove të transaksioneve, lehtësim të kufizimeve rregullatore për qiradhënësit, nxitje të pronësisë afatgjatë dhe bashkëpunim publik-privat (PPP) për të rritur ofertën e strehimit të përballueshëm.

Sipas CEPI dhe anëtarëve të NAREA-s, tregu i banesave me çmime të larta po bëhet gjithnjë më i paarritshëm për kategoritë më të prekura. Situata është më dramatike në zonat urbane me kërkesë të lartë.