Jo vetëm për turizëm, rritet numri i të huajve që vijnë për biznes dhe atyre tranzitë

Të huajt po e vizitojnë Shqipërinë jo vetëm për turizëm, por edhe për qëllime biznesi. Të dhënat e fundit të Institutit të Statistikave tregojnë se në pjesën e parë të këtij viti, është rritur numri i shtetasve të huaj që kanë hyrë në territorin shqiptar për biznes. Në periudhën janar-qershor 2025, numri i tyre shënoi 123.990 persona, nga 100.246 persona që ishte një vit më parë, duke shënuar kështu një rritje me 23.7%.

Statistikat e detjuara nxjerr në pah edhe një tjetër dukuri: numrin e madh të atyre që e përdorin Shqipërinë si tranzit për të kaluar në vende të tjera. Kjo duke shfrytëzuar edhe udhëtimet loë cost që ofrohen nga aeroporti ndërkombëtar “Nënë Tereza”. Sipas INSTAT-it, në 6 muajt e parë të këtij viti, numri i udhëtarëve tranzitë arriti në 214.034 vetë, me rritje 46.8% kundrejt të njëjtës periudhë të një viti më parë.