Zjarret përfshijnë vendin, qeveria paralajmëron ashpërsim masash nda piromanëve

Numri dy i qeverisë, Belinda Balluku ka paralajmëruar ashpërsim të masave ndaj të gjithë atyre që shkaktojë zjarrëvënie të qëllimshme. Ajo deklaroi nga Bulqiza se do të ketë dënime maksimale për autorët, ndërsa identiteti i tyre do të bëhet publik.

“Është e patolerueshme kjo. Kjo nuk është vetëm në zonën e Bulqizës, kjo është në të gjithë Shqipërinë. Është bërë punë e shkëlqyer nga punonjësit e policisë, nga zjarrfikësit. Forcat e Armatosura kanë qenë në krye të kësaj beteje me zjarrin. Ne gjejmë rastin për t’i falenderuar të gjithë ata që kanë kontribuar. E rëndësishme është që nuk kemi pasur humbje në jetë njerëzish. Jugu vijon të jetë në situatë kritike, pritet rënie temperaturash. Kjo do na ndihmojë të rikuperojmë dhe të shuajmë vatrat e zjarrit”, theksoi Balluku.

Ministrja vlerësoi punën e strukturave shtetërore dhe bëri thirrje për ndërgjegjësim, ndërsa theksoi se situata mbetet e rënduar veçanërisht në jug të vendit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern