LIGJET E BIZNESIT
Shërbimet janë një ndër sektorët kryesorë të ekonomisë sonë. Kjo duke pasur parasysh edhe lidhjen me degë të tjera, si turizmi, transporti, shëndetësia etj. Por bizneset që operojnë në shërbime vlerësojnë se situate nuk është aspak e mirë. Banka e Shqipërisë ka konstatuar në Vrojtimin e fundit të Treguesit të Ndjesisë Ekonomike se treguesi i besimit në shërbime (TBSH) ra me 5 pikë përqindje në qershor.
Në këtë ecuri negative kontribuan vlerësimet më pak optimiste të bizneseve për ecurinë aktuale të aktivitetit të tyre, dhe për nivelin aktual të kërkesës. “Pritjet për nivelin e punësimit në të ardhmen janë rishikuar për poshtë, ndërkohë që janë rishikuar për lart çmimet në të ardhmen”, vlerëson Banka e Shqipërisë.
