LIGJET E BIZNESIT
Në vetëm 100 ditë të mandatit të dytë të Donald Trump, Shtëpia e Bardhë është kthyer në një teatër të fuqishëm simbolesh, ku çdo foto tregon shumë më tepër sesa një moment i izoluar, është një rrëfim i tërë për drejtimin e ri të Amerikës.
Nga shpërthimi i një Cybertruck përpara hotelit të tij në Las Vegas, te përulja publike e presidentit ukrainas Zelensky në Zyrën Ovale, deri te përdorimi i burimeve shtetërore për spektakël dhe propagandë, këto imazhe dokumentojnë ndryshimin dramatik të skenës politike amerikane.
Disa nga momentet më shokuese:
Përulja e Zelensky
Presidenti ukrainas Volodymyr Zelenskyy shfaqet në Zyrën Ovale, duke pritur të arrinte një marrëveshje për burimet minerale të Ukrainës në këmbim të mbështetjes amerikane. Në vend të kësaj, Trump dhe zv.presidenti JD Vance e turpëruan publikisht në transmetim live, duke kritikuar mungesën e “mirënjohjes” së tij për ndihmën amerikane, një simbol i tensioneve në aleancat globale.
Trump dhe kriza e vezëve
Një foto që simbolizon krizën e çmimeve të vezëve pas marrjes së pushtetit nga Trump. Çmimet u rritën edhe më tej për shkak të faktorëve si pushimi i ekipit që monitoronte gripin e shpendëve, duke çuar në skena me tabelat e kufizimit të blerjes së vezëve në supermarkete dhe një shpërthim të meme-ve në rrjete sociale.
Gretchen Whitmer nuk mund të fshihet
Guvernatorja e Michigan-it, Gretchen Whitmer, përpiqet të mbulojë fytyrën me dosje gjatë një vizite në Shtëpinë e Bardhë, që Trump e shndërroi në një “photo-op”, duke reflektuar vështirësitë e demokratëve për të mbajtur qëndrimin e tyre në fillim të mandatit të dytë të Trump.
mazhe të rënda, por jo postime
Një foto e një gruaje duke qarë gjatë arrestimit nga ICE u postua nga Shtëpia e Bardhë, e transformuar në stil anime (Studio Ghibli), duke shkaktuar reagime të ashpra për talljen me dhimbjen njerëzore dhe degradimin e komunikimit zyrtar.
Spektakli i dosjeve Epstein
Influencues të së djathtës ekstreme dalin nga Shtëpia e Bardhë me dosje të quajtura “The Epstein Files: Phase 1”. Ky event, që pretendonte të demonstronte transparencë, përfundoi duke ngritur edhe më shumë dyshime mbi atë që mund të ishte fshehur.
Këto makina janë “gati për t’u shitur”
Në një ngjarje të quajtur “Teslathon” në lëndinën e Shtëpisë së Bardhë, Trump promovon makinat Tesla në përpjekje për të ndihmuar Elon Musk në një kohë kur aksionet e Teslës kishin rënë ndjeshëm, duke krijuar imazhin e tij si një shitës i zellshëm makinash të përdorura.
Një valë e kuqe përmbyt hartën e bursës
Një pamje e hartës së tregut të aksioneve, ku pothuajse çdo sektor është në të kuqe, duke reflektuar rrëzimin e tregut të aksioneve pas politikave të çrregullta të tarifave të Trump.
Vetëm thuaj Noem
Sekretarja e Sigurisë Kombëtare, Kristi Noem, pozon me veshje taktike në burgun famëkeq të El Salvadorit (CECOT), para një qelie të mbushur me të burgosur, duke përdorur kërcënimin si mjet propagandistik. Ky veprim solli kritika të forta, veçanërisht pasi doli se një burrë ishte dërguar gabimisht në atë burg.
