Viti nis me rritje të valutave, ja sa shkëmbehet euro dhe dollari

Viti 2025 ka nisur me rritje të vlerës së valutave. Sipas kursit të këmbimit të agjencisë valutore “Iliria 98”, euro blihet me 97.4 lekë dhe shitet me 98.4 lekë, ndërsa dollari këmbehet me 94 lekë në blerje dhe me 95.5 lekë në shitje. Në rritje është edhe franga zvicerane, ndërkohë që paundi britanik paraqitet i stabilizuar.

Rritja e valutave pas festave të fundvitit është e pritshme, me pakësimin e ofertës valutore në treg, si pasojë edhe e largimit të emigrantëve të kthyer pranë familjeve në atdhe për festat e fundvitit.

Gjatë tre viteve të fundit, euro është zhvlerësuar me mbi 30% dhe rënia nën nivelin e 100 lekëve ndodhi në pjesën e dytë të vitit 2024.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern