LIGJET E BIZNESIT
Në artikullin e shkuar folëm për degradimin e një mesazhi politik që realizohej nëpërmjet aksionit politik të marshimit të Qafë Botës në çdo 26 qershor kundrejt faktorit ndërkombëtar!
Aksion politik ky i cili u konvertua thjesht në një moment përkujtimor ndaj viktimave të gjenocidit grek dhe si rrjedhim, edhe në mungesa domethënëse të personaliteteve të këtij Komunitet vital në këtë marshim!
Ndërkohë mund të kujtojmë që më parë kemi shkruar edhe për arritjet që PDIU, pa patur përfaqësim në parlament, kishte realizuar në ndërkombëtarizimin e Kauzës së drejtë çame në parlamentin Europian dhe në Komisionin Europian.
Ndërsa sot, mund të thuhet që PDIU e përfaqësuar me pesë deputetë në legjislaturën e shkuar në parlament, për fat të keq, nuk është se bëri ndonjë gjë te madhe kundrejt ndërkombëtarizimit të kësaj Kauze!
Te qenurit deputet të jep mundësi përfaqësimi në instrumentat legjislativë europiane dhe ndërkombëtare e padyshim mundësi të madhe lobimi dhe të ngritjes së problematikave!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sa u shfrytëzuan këto mundësi për ta bërë një gjë të tillë përgjigjen ta jep vetëm fakti se në memorien kolektive nuk ka mbetur asgjë! Ndërsa, në mënyrë shteruese, ta përforcon kujtesa e cila sjell në vëmendje që kryetari i PDIU-së Shpetim Idrizi ka qenë zv. president i Komisionit për të Drejtat e Njeriut në Këshillin e Europës dhe duket se nuk ka lëvizur as gishtin në këtë drejtim!
Autori i këtyre radhëve kujton se kur u prit delegacioni i parë çam në Parlamentin Europian, miqtë europarlamentare italiane të kësaj Kauze të drejtë i thanë delegacionit se duhej lëvizur me deputetë shqiptarë në Këshillin e Europës për të sensibilizuar dhe vendosur Greqinë me shpatulla për muri!
Këtë informacion, në fakt, e pati edhe vetë Shpetim Idrizi kur sapo u emërua në këtë post, por me sa duket ai ka shkuar në vesh te shurdhët! Në informacionin tonë Kauza Came nuk është ngritur specifikisht asnjë një herë të vetme në këtë instrument të rëndësishëm politik të Europës!
Arsyet pse, sigurisht i di vetëm Shpëtim Idrizi, por Komuniteti çam padyshim mund të marrë me mend disa prej tyre, errësimi i syve nga pushteti, vëmendja kundrejt posteve me para, mungesa e seriozitet në drejtimin e një partie ame, e të tjera.
Sigurisht që kjo gjë për Komunitetin nuk duhet të kalojë me një auto kritikë të thjeshtë! Kur dështon duhet tu lirosh rrugën të tjerëve dhe Komuniteti çam nuk i mungojnë njerëzit e shkolluar dhe të zotë./perqasje.com
