LIGJET E BIZNESIT
Është ndarë nga jeta në moshën 84-vjeçare sipërmarësi italian Arturo Ferruzzi. Ai ishte njeriu i punës dhe djali i Serafino Ferruzzi, themeluesit të grupit më të madh agroindustrial italian. Gjithmonë larg qendrës së vëmendjes, Arturo Ferruzzi vazhdoi punën e të atit, duke u kujdesur për zhvillimin e botës bujqësore me përkushtim dhe pasion e duke kontribuar aktivisht në krijimin e një ‘perandorie’ të njohur në mbarë botën.
Ai solli përsosmërinë italiane në tregjet globale: dashuria e tij për fushat dhe për kultivimin e tokës e shtyu gjithmonë të qëndronte në vijën e parë, duke ndjekur çdo hap të zinxhirit të furnizimit. Pasi doli në pension në Siçili, ai ndoqi gruan e tij Maria Cristina Busi, presidente e Confindustria Catania, e Sibeg Coca-Cola, Dhomës Italiane të Tregtisë në Shqipëri dhe CEO e Coca-Cola Bottling Shqipëria (CCBS) – pranë saj për 41 vjet.
Gjithmonë i rezervuar, ai përfaqësonte një pikë referimi për familjen, një shtyllë, një siguri, duke i përcjellë atyre vlerat që përshkuan jetën e tij profesionale dhe personale. Figura dhe personazh i shquar me vlera të mëdha njerëzore: gjithmonë pozitiv, gjithmonë i ekuilibruar, do të mungojë eleganca dhe mirësia e tij. Ai lë një gjurmë të thellë në komunitet dhe një kujtesë të pashlyeshme tek ata që e njohën.
