Arbër, themeluesi i ALvanTure, rrëfen udhëtimin frymëzues nga koncepti në krijimin e një furgoni kamper luksoz, duke e bërë realitet një ëndërr që tërheq të apasionuarit pas aventurave dhe udhëtimeve. Përmes kësaj interviste, Arbër zbulon si përvojat personale dhe frymëzimi nga figura të rëndësishme në jetën e tij, si babai i tij, e shtynë të ndërmarrë këtë iniciativë inovative.
Eksplorimi i Shqipërisë përmes ALvanTure ofron një perspektivë të re mbi turizmin dhe aventurën, duke u dhënë udhëtarëve mundësinë të përjetojnë bukurinë e Shqipërisë në një mënyrë unike dhe komode. Kjo intervistë zbulon jo vetëm sfidat dhe arritjet e Arbërit në rrugëtimin e tij për të krijuar ALvanTure por edhe pasionin dhe përkushtimin që ai ka për të promovuar Shqipërinë si destinacion turistik.
Arbër, çfarë ju frymëzoi të krijoni ALvanTure, dhe si kanë formuar përvojat tuaja personale konceptin e kësaj shërbimi luksoz me furgon?
-Besoj të gjithë e kemi ëndërruar kamperin si ide, si vizion. Është një eksperiencë që të gjithë do të donim ta provonim të udhëtonim me një shtëpi lëvizëse. Disa e kanë përjetuar, disa jo. Në aspektin personal, frymëzimi që krijoi ALvanTURE, janë udhëtimet, nevoja për risi, dedikimi në ato çfarë beson dhe shpenzimi i kohës në gjëra produktive. Por, frymëzimi kryesor ishte im atë, inxhinier mekanik i cili më tha mos u merr me atë punë se do gjesh belanë.
Mund të na rrëfeni udhëtimin e zhvillimit të ALvanTure nga një ide në një furgon kamper luksoz dhe plotësisht operacional? Cilat ishin disa nga sfidat më të mëdha që u përballët gjatë këtij procesi?
Mendoj se eksperienca personale e gjithkujt bën që të marrim rrugën në drejtimet që kemi në natyrën tonë. Nuk i shmangemi dot, veçse të bëjmë më të mirën në boshtin ku jemi dhe ku po shkojmë. Para 3 vitesh e pak nisa të studioja me themel video, artikuj, foto të kamperave në botë. Duke filluar nga paraqitja e deri tek detaji më i vogël teknik. Skemat elektrike, pjesa dizajnit, efiçienca e hapësirës. “Është me orë pune”, së thotë kot populli. Shënimet, këshillimi nga im atë i cili nuk ka qenë dakort, u bë shtylla kryesore në përfundimin e ALvanTURE. Para 1 viti nisi ndërtimi, ku kanë marrë pjesë rreth 15 persona nga fillimi në fund të cilët i falenderoj pa masë, ku nga i pari tek i fundit kanë rol kryesor. Sfidë ka qenë gjetja e njerëzve të duhur dhe menaxhimi i tyre, gjetja e materialeve të duhura, varevingot e panumërta për pjesë.
Çfarë e bën ALvanTure unik nga opsionet e tjera në Shqipëri?
2 gjera: Është furgoni i parë luksoz i ndërtuar nga 0 në Shqipëri dhe logo ALvanTure besoj e kuptueshme për të gjithë që përfaqëson Albania Adventure Van. Këto janë busullat që i shërbejnë risisë së ALvanTURE dhe promovimit të turizmit në Shqipëri.
Si dikush që ka eksploruar gjerësisht Shqipërinë, cilat janë destinacionet tuaja të rekomanduara për personat që përdorin ALvanTure?
Kemi pafund destinacione unike dhe gjithëpërfshirëse në Shqipëri, duke filluar nga Shkodra me Shirokën, Berati, Vlora me Lagunën e Karavastasë dhe jo vetëm, Dhërmi, Himarë etj. Si eksperiencë personale rruga Korçë-Leskovik-Përmet është përrallë, duke përfshirë dhe Llixhat e Benjës.Lehtësisht e menaxhueshme me makinë dhe shumë destinacione piktoreske.
Cila ka qenë pjesa më e shpërblyer e menaxhimit të ALvanTure për ju personalisht?
Lodhja shpërblehet. Nisja e ëndrrës dhe përfundimi i saj është një gjë që nuk përshkruhet dot me fjalë. Di vetëm të them që ndihesh siç kur ke kohë pa fjetur në krevatin tënd dhe rikthehesh në të pas shumë kohësh.
Çfarë këshille do t’i jepnit dikujt që planifikon të eksplorojë Shqipërinë me ALvanTure për herë të parë?
Merreni lehtshëm dhe shijojeni në maksimum shtëpinë më të bukur lëvizëse në Shqipërinë tonë.
Si ndikon ALvanTure në promovimin e turizmit në Shqipëri dhe në ndërgjegjësimin për eksplorimin e vendeve të reja?
E përmenda dhe pak më lart, është një komoditet që ja rrit vlerën turizmit shqiptar. Aq më tepër në syrin e të huajve, ku vitet e fundit kemi rritje të turistëve cilësorë. E bën Shqipërinë të ketë konkretisht diçka të domosdoshme që nuk e ka pasur më parë, me gjithë historinë e ndërtimit të saj. Vendet e Shqipërisë janë aty, për tu parë nga ne. Tani u shtua diçka më shumë për t’i parë më lehtë.
Cilat janë planet tuaja të ardhshme për ALvanTure? A ka ndonjë veçori të re ose zgjerim në Planifikim?
Për këtë nuk dua të komentoj, pasi është herët për momentin. Le ta shijojmë dhe vlerësojmë ALvanTURE si fillim.
Përmes pasionit, dedikimit dhe një vizioni të qartë për të sjellë një përvojë të re në Shqipëri, Arbëri ka transformuar ëndrrën e tij në realitet me krijimin e ALvanTure. Në këtë udhëtim, sfidat janë përballur me guxim dhe mençuri, duke e bërë ALvanTure jo vetëm të parin e llojit të tij në Shqipëri por edhe një simbol të aventurës dhe lirisë. Frymëzimi i Arbërit dhe dedikimi për të ofruar diçka të veçantë, jo vetëm që ka bërë realitet ëndrrën e tij, por ka hapur një dritare të re për të gjithë ata që dëshirojnë të zbulojnë Shqipërinë në një mënyrë krejtësisht të re. E ardhmja e ALvanTure shihet jo si një destinacion, por si një udhëtim i vazhdueshëm drejt inovacionit dhe eksplorimit të pamundësive të reja, duke u bërë frymëzim për të gjithë ne që ndjekim ëndrrat tona me guxim dhe pasion./Business Mag
