Pas protestës së blegtorëve, të cilët bllokuan aksin Kardhiqë- Delvinë në kundërshtim të uljes së cmimit të qumështit nga përpunuesit, ministrja e Bujqësisë Anila Denaj ka zhvilluar një takim me këta të fundit, për të gjetur një gjuhë komunikimi dhe për të adresuar problematikat e blegtorëve. “Trajtuam disa nga problematikat, në veçanti ato të lidhura me informalitetin në treg dhe për të reduktuar këtë fenomen me masa të drejtpërdrejta.
Rritja e turistëve dhe nxitja e konsumit të brendshëm ka një ndikim të madh në nxitjen e konsumit të produkteve shqiptare në tregjet lokale dhe hotelet shqiptare.
Theksova bashkëpunimin mes palëve pasi është e nevojshme kuptueshmëria e problematikave që ekzistojnë ndërmjet tyre në mënyrë që ndërlidhja e fermerëve me përpunuesit e qumështit të jetë e favorshme për të gjithë. Kjo do të krijojë një bashkim në zinxhirin e vlerës, çka do të çojë përpara këtë sektor”, shkruan ministrja Denaj në rrjetet sociale.
