“Serbia nuk të lejon të paguash me euro”, përfaqësuesi i biznesit: Ne edhe kontratat koncesionare i paguajmë në euro

Arben Shkodra, sekretar i Shoqatës së Prodhuesve, tha në A2 Business nga Aurora Sulçe se Shqipëria duhet patjetër të bëjë një reformë për deeuroizimin e ekonomisë.

“Nuk kemi sot një studim të mirëfilltë pse e kemi këtë rënie. Ne kemi një euroizim të ekonomisë shqiptare. Në shumë, lokale, bare dyqane, hotele, mund të paguash lehtësisht me euro. Nëse ne do të kishim një politik monetare siç e ka Serbia, për shembull, ku nuk lejohet të paguash me euro, por vetëm me dinar.

Ata e kanë bërë se kanë një monitorim më të mirë të prezencës së monedha të huaja në treg. Ne edhe kontratat koncesionare i paguajmë në euro. Ne kemi kërkuar një reformë për deeuroizimin e ekonomisë”.

Ai theksoi më tej se nëse do të vazhdohet po në këtë mënyrë do të mbyllen disa kanale eksporti. “Padyshim që kanë një prezencë okulte të monedhave të huaja në treg. Ne na takon të themi, nëse ne do të vazhdojmë në këtë trend, do të kemi mbyllje të disa kanaleve të ekspertit, do të fillojmë t’i shërbejmë konsumatorit vendas”.