LIGJET E BIZNESIT
Projektligji i qeverisë për rritjen e pagave ka marrë edhe votat e opozitës në Komisionin parlamentar të Ligjeve. Ministrja e Financave, Delina Ibrahimaj ka shpjegiar se kush do të përfitojë nga rritja e pagave. Sipas saj, janë në total 130 330 punonjës të administratës që do të përfitojnë, nga të cilët 250 funksionarë politikë që e kanë pagën të lidhur me presidentin. Ndërsa deputetët dhe ministrat nuk do të përfitojnë.
“Nga ligji përfitojnë 250 funksionarë politikë dhe funksionarë të tjerë, që pagën e kanë të lidhur me atë të presidentin. Dhe efekti financiar vjetor vetëm për këtë kategori përllogaritet 20 milionë lekë.
Paga e presidentit propozohet të rritet në nivelin e 425 000 lekë, nga 257 000 që është aktualisht. Koeficientet, që lidhen me kuvendin dhe qeverinë, ato janë përjashtuar pa ndryshuar nivelin aktual të pagave, për ta parë në një moment të dytë. Kjo për shkak se kemi pasur për qëllim të përqendrohemi tek finalizimi i kësaj politike të re të rritjes së pagave për një kategori më të madhe përfituesish, siç janë punonjësit e administratës publike, qendrore dhe vendore.
Grupet e prekura indirektë administrata qendrore dhe vendore. Politika e rritjeve të pagave shtrihet në dy vite. Kostoja totale e kësaj politike më 1 janar 2025 shkon 39 miliardë lekë. Prej të cilave 1 miliardë lekë përllogaritet efekti financiar i zbatimit të vendimit të Gjykatës Kushtetuese për vitin 2023. Nga kjo reformë në total 130 330 punonjës”, deklaroi ministrja Ibrahimaj.
