Pesimizmi i BERZH, ul parashikimin për rritjen e ekonomisë shqiptare

Banka Europiane për Rindërtim dhe Zhvillim rishikon me rënie rritjen e ekonomisë shqiptare për këtë vit. Sipas raportit të fundit rajonal të BERZH-it, ekonomia jonë do të rritet gjatë vitit 2023 me 2.5%, ose 0.5 % më pak se pritshmëria në muajin shtator.

Rritjen më të lartë pritet që ta ketë Mali i Zi me 3.3%, i ndjekur nga Kosova me 3%. Ndërsa Serbia, Bosnjë Hercegovina dhe Maqedonia e Veriut pritet të zgjerohen me 2%.

Për vitin 2022, BERZH vlerëson se ekonomia shqiptare është rritur me 3.7%. Ecurinë më të mirë ekonomike vitin e kaluar e shënoi Mali i Zi (6.3%), por që vjen pas një rënieje më të fortë në periudhën e pandemisë. Bosnja është zgjeruar me 4%, Kosova me 3.2%, Maqedonia e Veriut me 2.5% dhe Serbia me 2.3%.

BERZH parashikon që ekonomia jonë të përshpejtohet vitin e ardhshëm dhe të shënojë një rritje prej 3.3%.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern