LIGJET E BIZNESIT
Euro po pëson rënie të forta gati çdo ditë. Sot, ka prekur nivelin më të ulët të shënuar ndonjëherë, duke u shkëmbyer me 113.8 lekë. Agjentët në tregun valutor, por edhe ekspertët e tregjeve financiare e kanë të vështirë të parashikojnë sesi do të jetë e ardhmja e monedhës europiane, dikur e konsideruar si valuta e fortë. Faktorët që po rrëzojnë euron janë kryesisht të tregut të brendshëm, pasi ajo që konstatohet në një analizë të përgjithshme është forcimi i lekut vendas, kundrejt të gjitha monedhave të tjera.
Për këtë çështje u diskutua mbrëmjen e së mërkurës në A2 Business të gazetares Aurora Sulçe.
Artan Gjergji, ekspert për tregjet financiare, solli shkaqet që kanë sjellë këtë situatë. “Nuk është rënia e euros, por ka një mbivlerësim të monedhës sonë kombëtare. Ka pasur një rritje të madhe të valutës së huaj edhe pse janë disa faktorë që kanë ndikuar në këtë. Ka shumë euro në qarkullim. Cdo lloj malli që i shtohet sasia i bie vlera.
Nuk ka tregues që ka forcim të lekut. Ka edhe faktorë të tjerë. Jemi në një moment që Banka Qendrore ka filluar rritjen normës bazë të interesit. Në anën tjetër po tërhiqet dhe leku nga qarkullimi. Kemi pozicionime ndoshta në sasi të jashtëzakonshme, ndërkohë që kanë ardhur festat e fundvitit dhe konsumatori kërkon të përdorë burimet në lekë. Bankat herë pas here kanë problematikë të furnizojnë gjithë sasinë e lekut në qarkullim dhe shesin euro”, u shpreh Gjergji.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
