Mediat italiane kanë raportuar një ngjarje të rëndë, ku një grua hungareze është rrëmbyer nga mafia shqiptare dhe më pas droguar. E gjitha kjo për qëllime prostitucioni.
Por fatmirësisht gruaja ka mundur që të kërkojë ndihmë përmes një postimi të bërë në “Facebook”.
Ajo ka shkruar se është rrëmbyer, droguar e dhunuar dhe se ndodhet e mbyllur në një banesë, në një faqe të hapur facebook-u për hungarezët që jetojnë në Milano.
Pas kësaj, një bashkëatdhetare e saj ka arritur që të sinjalizojë policinë, që lokalizoi dhe shpëtoi hungarezen, nënë e katër fëmijëve.
