Anija e parë me grurë që u nis nga Ukraina pas marrëveshjes së arritur gjatë luftës është zhdukur. Kështu deklaroi të hënën ambasada ukrainase në Bejrut.
Anija Razoni me flamurin e Sierra Leone e cila u nis nga Odesa me datë 1 Gusht dhe lëvizi përmes detit të zi vijoi lundrimin në Turqi.
Porositësi në Liban refuzoi ta pranonte ngarkesën pasi ajo ishte dorëzuar më vonë nga sa ishte rënë dakord.
Ambasada tha se Razoni ishte anija e parë që u largua nga Ukraina sipas marrëveshjes dhe më vonë kaloi me sukses inspektimin në Stamboll përpara se të shkonte drejt destinacionit të saj.
“Ne nuk kemi asnjë informacion në lidhje me pozicionin e anijes dhe destinacionin e ngarkesave,” thuhet në deklaratë. “Ne kemi gjithashtu informacione se ngarkesa është rishitur disa herë”.
