Ministria e Shëndetësisë ka publikuar shifrat e fundit nga pandemia në Shqipëri.
Raportohet se në 24 orët e fundit nuk ka asnjë person që ka humbur jetën.
Ndërkohë nga 3211 testime kanë rezultuar pozitivë 1502 qytetarë, ndërsa janë shëruar 677 pacientë.
Mësohet se nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.
“Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese.
Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127”, thote ministria.
Situata ne 24 ore
Ju informojmë për situatën në 24 orët e fundit, si vijon: Janë kryer 3211 testime, nga të cilat kanë rezultuar pozitivë me COVID19, 1502 qytetarë, në këto bashki:
614 në Tiranë, 110 në Durrës, 82 në Fier, 77 në Shkodër, 59 në Vlorë, 46 në Lushnje, 42 në Sarandë, 33 në Lezhë, 31 në Kamëz, 29 në Gjirokastër, 27 në Berat, 25 në Vorë, nga 23 qytetarë në Divjakë, Korçë, Elbasan, 19 në Kavajë, nga 17 qytetarë në Krujë, Dimal, 13 në Mallakastër, 12 në Tepelenë, 11 në Peqin, nga 10 qytetarë në Malësi e Madhe, Roskovec, Patos, Himarë, Gramsh, nga 9 qytetarë në Dibër, Maliq, Belsh, nga 8 qytetarë në Kurbin, Shijak, Kuçovë, nga 7 qytetarë në Mat, Devoll, Kolonjë, nga 6 qytetarë në Pukë, Bulqizë, nga 4 qytetarë në Kukës, Selenicë, Librazhd, nga 3 qytetarë në Memaliaj, Pogradec, Skrapar, nga 2 qytetarë në Vau i Dejës, Fushë Arrëz, Has, Poliçan, nga 1 qytetar në Mirditë, Rrogozhinë, Delvinë, Libohovë, Përmet, Cerrik.
Janë 7,888 qytetarë aktivë me Covid19 në gjithë vendin.
Aktualisht në spitalin COVID3 po marrin trajtim 31 pacientë. Në 24 orët e fundit nuk ka asnjë humbje jete me Sars-Cov2.
Janë shëruar 677 qytetarë gjatë 24 orëve të fundit, duke e çuar numrin e të shëruarve në 281,051 që nga fillimi i epidemisë.
Statistika (14 Korrik 2022)
Raste të reja ditore 1502
Të shëruar në 24 orë 677
Të shtruar në spitale 31
Humbje jete në 24 orë 0
Testime ditore 3211
Testime totale 1,875,939
Raste pozitive 292,456
Raste të shëruara 281,051
Raste Aktive 7,888
Humbje jete 3,517
Shpërndarja gjeografike e rasteve aktive sipas qarqeve:
Tiranë 4,839
Durrës 633
Fier 599
Vlorë 399
Shkodër 273
Elbasan 262
Berat 256
Gjirokastër 196
Lezhë 157
Korçë 132
Dibër 97
Kukës 45
