Elvis Kelmendi, djali i bosit të drogës Naser Kelmendi të lidhur me kartelet meksikane u arrestua sot në një mega-operacion të organizuar nga Policia e Bosnjes. Momenti i arrestimit i ngjan një skene filmi por me ‘aktor’ realë që tashmë do të përballen me drejtësinë.
Në videon e publikuar nga mediat e huaja shihet momenti kur Policia e rrethon dhe e shtrin përtokë me duart pas shpine.
Familja Kelmendi njihet për zotërim të madh pasurie, ata cilësohen si “bosët e drogës” dhe janë të kërkuar nga Policia e disa vendeve të Ballkanit. Bashkë me babain dhe dy vëllezërit e tij ata janë të përfshirë në listën e zezë të Shteteve të Bashkuara të Amerikës si trafikues ndërkombëtar të drogës.
