Kandidati që do garojë përballë ish-kreut të qeverisë Sali Berisha si kryetar i Partisë Demokratike, Ibsen Elezi ka treguar arsyen se përse e mori këtë vendim.
Sipas tij drejtuesit e forcës politike më të madhe opozitare në vend, kanë ndërhyrë në procesin zgjedhor, duke cënuar demokracinë.
Elezi u shpreh se drejtuesit e Partisë Demokratike kanë ndërhyrë në procesin zgjedhor, duke cenuar demokracinë.
Sipas tij zgjedhja e deputetit të PD-së, Edi Paloka ishte një veprim i cili nuk duhej bërë, pasi ai pavarësisht se e ka pranuar ndërhyrjen që kanë bërë në procesin zgjedhor sërish vazhdon rrugën e tij në parti.
“Ne kemi kohë që i mëshojmë shumë faktit që elita drejtuese e Partisë Demokratike ka marrë pjesë në manipulimin e procesit zgjedhor dhe kjo është shumë e rëndë në demokraci. Zoti Paloka u tregua më i ndershëm se e pranoi publikisht dhe njerëzit që kryejnë këto akte kriminale në demokraci, në pamundësi për t’i ndëshkuar”, tha Elezi.
Kandidati shprehet i shqetësuar për faktin që në parti nuk është zbatuar vullneti i shumicës, e cila dënon në thelb demokracinë. Ai tha se nuk ka sens që një njeri i cili akuzohet për ndërhyrje në zgjedhje, të vendoset në drejtim të PD-së, duke kërkuar reagimin që nuk ka ardhur nga Berisha.
“Sali Berisha për mosreagimin e tij merr koston e vet edhe brenda demokratëve edhe në opinion publik. Njerëzit me të cilët po bashkëpunon kanë kryer një akt të tillë që ai në vend që t’i dënojë po i akapulton prapë në drejtim të Partisë Demokratike . Pra kam një motiv shumë të fortë sepse Sali Berisha në këtë rast në një farë mënyre po shkel mbi kuvendin e 11 dhjetorit”, tha Elezi.
Kjo ka qenë një ndër arsyet që ai e ka ndjerë si detyrim të kandidojë për të përballur këtë fenomen.
