Të gjithë drejt Tiranës, maturantët e Gjirokastrës nuk shohin të ardhme në vendin e tyre

Shumica e të rinjëve nga qytetet e Shqipërisë zgjedhin të punojnë në Tiranë ose të ikin jashtë shtetit. Vështirësitë e qyteteve si Gjirokastra janë të mëdha për të gjetur një punë të mirë ekonomikisht.

Kjo tendencë ishte shumë u shfaq gjatë një panairi “Work & Study” që u mbajt në qytet për maturantët. 80% e 370 maturantëve që do të dalin këtë vit nga shkollat e mesme në Gjirokastër po përgatiten për tu arsimuar jashtë qytetit në Tiranë por edhe jashtë vendit.

“Unë kam preferenca për shkollë profesionale në Tiranë. Largohem pikërisht që të mos  kthehem pas në Gjirokastër.”

“Jam këtu për tu informuar më shumë për universitetet e Shqipërisë. Më pëlqen më shumë kimia dhe biologjia prandaj dua të aplikoj për një universitet që lidhet me këto degë infermieri, mjekësi, bioteknologji. Do të kthehesha në Gjirokastër nëse kam një punë që të mund të menaxhoj jetën time.”

“Mendoj që të iki për shkollën. Për tu kthyer jam në mëdyshje sepse nuk ka punë , nuk ka përshtatje”-thonë disa prej maturantëve.