Dhjetra qytetarë kanë protestuar sot në Vlorë për projektin e rikonstruksionit të Sheshit të Flamurit. Pranë monumentit të pavarësisë janë mbledhur qytetarë të shumtë vlonjatë, por dhe të ardhur nga qytete të tjera të vendit.
Sipas përfaqësuesve të shoqërisë civile kryeministri Edi Rama jo vetëm nuk prishi godinën disakatëshe ndërtuar prej vitesh në sheshin historik, por ndërtoi dhe çibanë të tjerë që sipas tyre është terminali i autobusëve.
Sipas protestuesëve është larguar nga ky vend një nga simbolet e tij, 4 Topat. Më tej ata shtojnë se asnjëherë nuk janë pyetur apo janë thirrur për konsultim për të gjithë ndryshimin që po i bëhet Sheshit të Flamurit.
Një ditë më parë, kryeministri Edi Rama reagoi për këtë protestë duke akuzuar opozitën se ka organizuar protesta kundër urbanizimit të këtij qytetit.
