Këshilltari i presidentit të Ukrainës Volodymyr Zelensky, Oleksiy Arestovych ka deklaruar se po zhvillohen beteja të ashpra në rajonet lindore dhe jugore të vendit.
Sipas tij, kjo gjë po ndodh në veçanti për qytetin e rrethuar të Mariupolit.
Duke folur në televizionin kombëtar, Arestovych tha se trupat ukrainase rreth Kievit kishin rimarrë më shumë se 30 qytete ose fshatra në rajon dhe po mbanin vijën e frontit kundër forcave ruse në lindje.
“Le të mos kemi iluzione – ka ende beteja të rënda përpara për jugun, për Mariupolin, për lindjen e Ukrainës,” tha ai.
