Nesër dita pa makina/ Ja cilët janë akset ku do të kufizohet qarkullimi në Tiranë

E diela e 3 prillit, nesër do të jetë dita e parë pa makina.

Vendimi është marrë si pjesë e planit të qeverisë për të kursyer karburant.

Si pasojë qarkullimi do të kufizohet nga ora 09:00 deri në 15:00 në disa akse në Tiranë.

Rrugët ku do të kufizohet qarkullimi i mjeteve në Tiranë janë:

Bulevardi “Dëshmorët e Kombit” nga Ministria e Brendshme deri në fillim të “Ish- Hotel Dajti”.

Bulevardi “Dëshmorët e Kombit” nga Ura e “ish Hotel Dajtit” deri në kryqëzimin me rrugën “Ismail Qemali”.

Segmenti i rrugës “Myslym Shyri” nga kryqëzimi i Gjykatës së Lartë me drejtim dalje në Bulevardin “Dëshmorët e Kombit”.

2. Qarkullimi i automjeteve, mjeteve të emergjencës dhe Policisë së Shtetit do të bëhet sipas planit të lëvizjes më poshtë:

Mjetet e emergjencës, Policisë së Shtetit, Shërbimit Publik Urban Qytetas dhe Taxi 4+1 do të jetë i mundur për gjatë gjithë kohës në segmentet e përcaktuara në pikën 1 të këtij vendimi.

Për të gjithë automjetet e tjera aksesi do të jetë në rrugët Ibrahim Rugova, Blv. Zhan D’Ark. Blv.Bajram Curri dhc George.Ë.Bush. Qarkullimi në kryqëzimin e rrugës “Myslym Shyri” me rrugën “Ibrahim Rugova” do të jetë i detyruar djathtas.

VENDIMI I QEVERISE

Qeveria njoftoi pak ditë më parë se duke nisur nga data 3 prill, “e diela e parë e çdo muaji do të jetë si fillim DITË PA MAKINA në qytetet kryesore të çdo qarku”.

“Nëse s’e fikim dot automjetin gjatë gjithë kohës, të paktën ta bëjmë ditëve të pushimit dhe të përdorim biçikletën a ecjen në këmbë

Fillojmë menjëherë në koordinim me bashkitë këtë plan kombëtar  për kursim, për mjedisin dhe për shëndetin e të gjithëve”, shkruante kryeministri Rama në postimin e tij.