LIGJET E BIZNESIT
Rasti i vdekjes së 3 vajzave të së njëjtës familje në Patra dhe arrestimi i nënës së tyre Roula Pispirigou, që akuzohet për vdekjen e vogëlushes Georgina 9 vjeç, janë në krye të lajmeve në mediat ndërkombëtare.
Nëna është arrestuar dje me akuzën për një nga vajzat që ka humbur jetën, ndërsa vijojnë hetimet për të zbuluar shkakun e vdekjes edhe të dy vogëlusheve të tjera.
Ka bërë bujë edhe dëshmia e një mjekeje në spitalin e fëmijëve në “Aglaia Kyriakou”, ku 9-vjeçarja Georgina ndërroi jetë në janar të 2022.
Mjekja ka treguar se kur i dhanë nënës lajmin e hidhur ajo vijoi e qetë, doli nga dhoma dhe se shkoi në dhomën e mjekëve.
“Kur doli, më bëri përshtypje se ishte e ftohtë, apatike dhe nuk qante fare. Reagimi i saj nuk ka qenë aspak normal për një nënë, e cila është njoftuar për vdekjen e fëmijës së saj”, ka thënë mjekja.
“Ajo që më tronditi më shumë ishte ankthi i saj për të transportuar trupin e fëmijës në Patra, që aty të bëhej autopsia, diçka që ajo këmbënguli. Madje, në vend që të kontaktonte me bashkëshortin apo të afërmit e saj, për t’i njoftuar për vdekjen e fëmijës, ajo thirri mjekun në Patras, për të kryer autopsinë. Në fakt ai na telefonoi dhe na kërkoi të flisnim me mjekun, gjë që ne e refuzuam, sepse protokolli na thotë të lajmërojmë policinë” tha ajo ndër të tjera.
Kujtojmë që pak ditë më parë u prova se Georgina e vogël është varë nga ketamina dhe tashmë nën lupë është vënë edhe vdekja e motrës së saj Irisit.
Më 8 prill, Georgina u shtrua për herë të parë në spital pasi pësoi krizën e parë që i shkaktoi dëmtime të pariparueshme në tru. Mjekët besojnë se 33-vjeçarja i dha ketaminë vajzës për ta vrarë, por mjekët pas 55 minutash mjekët arritën ta stabilizonin vajzën.
Dy ditë më vonë nga testet toksikologjike nuk u vu re substanca në gjakun e vajzës dhe kjo duket se e ka inkurajuar të ëmën që të vijonte t’i jepte 9-vjeçares substancën e rrezikshme derisa i mori dhe jetën.
