LIGJET E BIZNESIT
Moisi Habilajn një nga krerët e bandës që merrej me trafikun e drogës nga Shqipëria në Itali është dënuar sot nga Gjykata e Katanias. Për Moisi Habilajn Gjykata e ka dënuar atë me 15 vite e 5 muaj e 10 ditë burg, ndërsa Prokuroria kishte kërkuar 18 vjet burg.
Habilaj është dënuar për trafik ndërkombëtar droge nga Shqipëria në Sicili. Sipas Gjykatëses, Moisi Habilaj nuk ishte një skafist i thjeshtë, por bosi i grupit të trafikantëve.
Të dënuarit e tjerë të dosjes “Trëndafili i erërave” janë: Meridian Sula, 8 vite e 4 muaj, Nezar Seiti 7 vjet e 4 muaj e 26 ditë, Antonino Riela 14 vjet e 8 muaj burgim, Vinccenso Spanpinato 10 vite e 2 muaj burgim. Angjelo Buzaka, 7 vjet e 4 muaj, Xhanluka Pasavanti 4 vjet burgim dhe 10 mije euro gjobë. Xhuzepe Greko, 2 vjet e 4 muaj burgim dhe 4700 euro gjobë.
Mediat Italiane shkruajnë se Habilaj e ka dëgjuar në heshtje vendimin, ndërsa avokatët e tij kërkuan rrëzimin e akuzave kryesore të klientit të tyre, duke kërkuar që ai të dënohej vetëm për transport të lëndëve narkotike.
Emri i Moisi Habilaj dhe kësaj bande u bën shumë e njohur në momentin që nga disa përgjime doli edhe emri i ish-ministri Saimir Tahiri.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
