Grupi i Rithemelimit kontrollon dyert e blinduara, Noka: PD e hapur edhe për Bashën!

Komisioni i Rithemelimit të Sali Berishës që do të drejtojë Partinë Demokratike, kanë shkuar sot në selinë blu, ku kanë inspektuar dyert e blinduara.

Flamur Noka, Belind Këlliçi dhe Klevis Balliu provuan njëra pas tjetër sot dyert e blinduara në të 3 katete e godinës, ndërsa deklaruan se për heqjen e tyre do të duhen disa javë.

“Me njeri tjetrin nuk ka asgjë, çdo gjë është e tejkaluara, kundërshtari ynë është Rama. Sipas ekspertëve duhet shumë punë për ç’blindimin, por kjo është një kosto që duhet ta mbajnë, shtëpia e demokratëve duhet t’i kthehet demokratëve. “Çbunkerizimi i PD dhe rrugën me çdo demokrat nga më i thjeshti në bazë deri te deputetët në qendër e kemi së bashku. Pas çbunkerizimit, kjo seli do i kthehet aktivitetit normal, do jetë e hapur për çdo demokrat, ajo që ka kaluar do i përkasë të shkuarës, do e hedhim pas. Nuk do të dëshiroja as ta kujtonim atë që ka kaluar PD, duhet ët shohim para sepse nuk mund të rrimë peng i hijes së bunkerit dhe as mentaliteteve të vjetra të përçarjes. Beteja do të jetë me regjimin që po i pi gjakun shqiptarëve. PD nuk do jetë më parti as e bravave as e blindave, por parti e hapur për të gjithë, për Lulzim Bashën që do jetë një nga kolegët tanë dhe për çdo tjetër që kërkon të kontribuojë në parti. Do kemi takime kafe miqësore me Alibeajn sepse jemi kolegë, ndajmë të njëjtat shqetësime. Jemi të hapur për çdo gjë, nuk na ndan asgjë, vetëm ndarje nuk kemi tashmë, gjithçka në funksion të bashkimit. Jemi në kontakt dhe do takohemi. Kemi rënë dje dakord për të vijuar me mbledhjen e grupit dhe absolutisht që grupi parlamentar do mblidhet”, tha ai.