Basha del nga Prokuroria e Tiranës: Plani dështoi me sukses, nesër do të plasin skandale të reja

Pas marrjes në pyetje për rreth 30 minuta në Prokurorinë e Tiranës, Basha u shpreh në një prononcim përpara gazetarëve se gjithcka është e montuar në zyrën e Edi Ramës dhe kjo do bëhet vetëm për të shpërqëndruar vëmendjen nga skandali i përgjimeve të publikuara nga gazeta gjermane “BILD”.

Kreu i opozitës shtoi se i gjithë ky organizim nga ana e prokurorisë është një plan që ai të shërbente si shpërqëndrim për këto skandale por ky plan ka dështuar me sukses të plotë.

“Arsyeja e vetme pse jam sot para jush eshte qe te shërbej si shpërqendrim per ju, per skandalin e plasur nga Bild dhe ato që janë njoftuar se do të plasin nesër.

Prokuroria nuk ka asnjë fakt as provë që nga 25 maji kur isha këtu për herë të furnit.

Kjo për një arsye të thjeshtë se kjo akuze eshte montuar ne zyre te Edi Rames per llogari te tij.

U njoha me akuzën qe nuk eshte akuze se nuk ka asnjë prove dhe asnjë fakt, nuk ka asnjë rus te vetëm, nuk ka asnjë transaksion.

Eshte e gjitha per tju shpërqendruar ju nga skandalet qe kane plasur nga Bild, dhe ato qe do te plasin nesër.

Dosjen nuk  e kishin gati sot, se s’kane dosje.

Sa here ka skandale ne qeveri me thërrasin mua këtu per kete çështje, nje here pas skandalit te Rrahman Rrahjes, nje here pas Dakos, nje here pas Toyota Jaris e tani pas Bild.

Sa here plasin skandalet e kësaj qeverie te lidhur me krimin, këta me thërrasin per te shpërqendruar.

Pranova sot te vi sepse ate dite ata nuk zbatuan ligjin, ndërsa tani kishin plan qe une te shërbeja si shpërqendrim nga skandalet e Bild.

Por ky plan do te deshtoje me sukses te plote.”, deklaroi Basha.