“Edhe kjo do rritet?” Çmimi i kafes, ‘shpërthen’ Erion Braçe: Zhvatje, asgjë më shumë

Pas luftës Rusi-Ukrainë, pati një rritje të ndjeshme të çmimeve në vend.

Kjo është shfrytëzuar masivisht  nga tregtarët.

Deputeti socialist Erion Braçe ka konstatuar se është rritur edhe çmimi i kafes. Sipas tij, megjithëse kafja e importuar nga Italia është rritur me 150, pra me 1.25 lekë për në filxhan kafeje, nëpër lokale nuk kanë nguruar që ta rrisin çmimin me 20 lekë për një filxhan kafeje. ‘Zhvatje, asgjë tjetër’ shkruan Braçe.

‘Po turp a keni? Edhe çmimin e një filxhani kafeje e rritet? Nga janari e ketej, cmimi i nje kg kafe ardhur nga Italia, eshte rritur me 150 leke, vetem 150 leke. Pra, me 1.25 leke per nje filxhan kafeje, vetem 1.25 leke! Nese e shisnit ne periferi te Tiranes me 50 leke nje filxhan kafeje, duhet ta shisni me 51.25 leke; Nese e shisnit ne qender te Tiranes me 70 leke nje filxhan kafeje, duhet ta shisni me 71.25 leke. Çfare ka ndodhur me ju qe po e shisni filxhanin e kafese ne periferi me 70 leke e ne qender me 90 leke? Ju eshte rritur edhe juve cmimi i hekurit, cimentos, betonit? Apo cmimi i vajit, orizit, sheqerit, miellit, makaronave, vezeve, pulave etj? Zhvatje, asgje tjeter!’- shkruan deputeti i PS-së.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern