LIGJET E BIZNESIT
Një aksident është regjistruar sot në afërsi të fshatit Drobonik në Berat, ku një makinë ka dalë nga rruga duke përfunduar në humnerë.
Në automjetin tip Fuoristradë Mitsubishi, me targa AA 531 CA, udhëtonte një familje e cila duke zbtitur nga fshati në drejtim të Beratit, ka rrëshkitur dhe ka rënë nga një lartësi rreth 20 metër.
Për pasojë, është plagosur lehtë drejtuesi i mjetit Renato Kola 25-vjeç,ndërkohë që të plagosur rëndë kanë mbetur prindërit e tij, që udhëtonin bashkë me djalin.
Të plagosurit janë transportuar në Spitalin Rajonal Berat, ku ndodhen nën kujdesin e mjekëve, me plagë të shumta në trup. Në vendin e ngjarjes kanë shkuar forca të shumta policie, të cilët kryejnë kqyrjen e vendit të aksidentit.
Paraprakisht dyshohet se shkak për këtë aksident të jetë bërë ngrica në rrugë, që ka sjellë edhe rrëshkitjen e mjetit, që sipas policisë ka qenë me shpejtësi dhe nuk ka mundur të kontrollojë rrëshkitjen. Zona ku ka ndodhur aksidenti është një zonë malore dhe e rrethuar me kodra të shumta, ku dielli arrin të depërtojë vetëm pas mesditës.
