Monika Kryemadhi sulmon Bashën: Në 25 Prill kishim në krah një armik

Kryetarja e LSI-së Monika Kryemadhi ka sulmuar kryetarin demokrat Lulzim Basha gjatë një takimi me të rinjtë që po zhvillohet në kuadër të prezantimit të platformës “Ekipi i gjeneratës për ndryshim”.

Ajo e cilësoi kryedemokratin si të pabesë, ndërsa shtoi se në 25 Prill u përballën me bandat, pabesinë dhe me një armik në krah.

“Kur më erdhi njoftimi lidhur me këtë ide dhe hapat e ndërmarra e kam cilësuar si një nga aktivitet më të rëndësishme në këto dy dekada të të gjithë jetës së LSI. Ka ardhur si një iniciativë e të rinjve. Ne vijmë sot pas zgjedhjeve të 25 prillit ku kontributi juaj ka qenë I jashtëzakonshëm përballë sfidave me bandat, me pabesinë.

Me një partneritet që e kishin armik në krah. Votat janë mbështetje për vetë vizionin tuaj dhe pasha elektorale nuk u përkthye në mbështetje. Kemi dashur të realizojmë disa ndryshime për të siguruar sovranitetin përmes votës. Duke filluar me ndryshimet rrënjësore për shqiptarët që jetojnë jashtë Shqipërisë. Që prej ditës së parë e kemi pjesë të programit tonë”, tha Kryemadhi.