Video/ Publikoi pamje se ditën që ndodhi shpërthimi me tr itol ka qenë në qendër tregtare, mbërrin në Gjykatë Arlen Hasanaj

Mbërrin në ambientet e Gjykatës së Durrësit, Arlen Hasanaj, 34-vjeçari i cili akuzohet se vendosi tritolin në portën e jashtme të kreut të FSHF-së Armando Duka.

Këtë të shtunë, në ambientet e Gjykatës do të zhvillohet seanca për dhënien e masës së sigurisë, ndërkohë që Hasanaj i ka mohuar që nga dita e parë akuzat.

Ai ka paraqitur alibi, edhe nëpërmjet pamjeve filmike, se në ditën kur është vendosur tritoli ka qenë në banesën e tij, menjëherë pasi ishte kthyer nga një qendër tregtare në kryeqytet.

Mirëpo, sipas policisë ai ka pasur një shenjë djegie në duar, që ka shtuar dyshimet se ai mund të jetë autor i vendosjes së tritolit në derën e banesës së Dukës.