Prindërit braktisin foshnjen vetëm se ishte vajzë, pastruesi e nxjerr nga koshi i mbeturinave

Një vajzë e porsalindur është gjetur e braktisur në një kosh mbeturinash. Ngjarja ka ndodhur në jug të Kinës. Dyshohet se prindërit e kishin braktisur, pasi dëshironin djalë.

Mediat shkruajnë se foshnja ishte braktisur nga babai i saj vetëm pak orë pasi kishte ardhur në jetë, sepse familja tanimë i kishte dy vajza. Vajza u pikas nga një pastrues rruge, i cili sapo e pa telefonoi menjëherë policinë.

Prindërit e foshnjes janë arrestuar menjëherë nga policia dhe mbi to rëndon akuza e braktisjes.

Në polici, nëna 21-vjeçare e quajtur Li, tregoi se ajo dhe familja e burrit ishin zhgënjyer kur zbuluan se kishte lindur vajzë.

Ndërsa babai i quajtur Zhang, rrëfeu se “ëndrra e tij për të pasur një djalë u venit” kur lindi vajza e tretë.