I ke thënë shumë herë të kam xhan, pse je mërzitur me Bashën? Si përgjigjet Rama

Kryeministri Edi Rama në “Open” tha se nuk e mbante mend më takimin me kryetarin e PD, Lulzim Basha më 17 maj, ku u arrit marrëveshje dhe PD u fut në zgjedhje.

“Çfarë të ka mërzitur se i ke thënë shumë herë të kam xhan dhe gjuha që po përdor është shumë tallëse”, ishte pyetja e gazetarit Denis Dyrnjaja për kryeministrin.

“Tallja është një kategori shumë e ulët. Sarkazma është mjet i retorikës. Nuk jam unë që po diskreditoj as njërin as tjetrin, por ata po diskreditojnë vetveten dhe historinë e tyre. Çfarë i thonë njëri tjetrit sot janë të tëra gjërat që njerëzit thonë për ta. Ndërkohë po tregojnë për njerëzit se çfarë politikanësh janë me mua”, tha Rama.