“I tronditur për lajmin që sapo mësova” Presidenti i FIFA i shkruan letër Armand Dukës

Një sasi tritoli shpërtheu në derën e shtëpisë së kreut të FSHF Armand Duka ditën e hënë.

Menjëherë pas këtij lajmi ai ka marrë një letër nga presidenti i FIFA Gianni Infantino.

Ky i fundit ka shprehur të gjithë mbështetjen dhe solidarizimin e tij dhe të komunitetit  të futbollit ndërkombëtar.

Infantino është shfaqur i shokuar për këtë ngjarje të rëndë e të paprecedent, dhe thekson se Presidenti Duka ka të gjithë mbështetjen e futbollit ndërkombëtar në këto momente të vështira për të dhe për familjen e tij.

Më poshtë letra e plotë që numri një i futbollit botëror i ka dërguar Presidentit Duka:

I dashur President

Mësova me tronditje të madhe dhe trishtim të thellë për sulmin e tmerrshëm në shtëpinë tuaj të hënën në mbrëmje.

Në emër të komunitetit ndërkombëtar të futbollit, dëshiroj të shpreh mbështetjen tonë më të sinqertë për ju dhe familjen tuaj. Mendimet tona janë me ju të gjithë në këtë moment të vështirë.

Shpresojmë që ky mesazh solidariteti dhe mbështetjeje të mund t’ju ndihmojë në këtë moment të vështirë.

I juaj sinqerisht,

Gianni Infantino