Një ngjarje e rëndë ka ndodhur në Librazhd.
Mësohet se një i ri maroken është gjendur pothuajse i ngrirë në oborrin e xhamisë së Dragostunjës.
Ai është konstatuar teksa ndodhej në gjendje kritike nga hoxha i fshatit, Fatmir Xhoxha.
Ambulanca dhe policia shkuan menjëherë në vendngjarje dhe i riu u identifikua si Selim Muhamed Idriz, 22 vjeç nga Maroku.
Në trajtim mjekësor prej dy orësh, i riu maroken dha dëshminë e tij ku tregoi se kishte udhëtuar katër ditë maleve nëpër dëborë nga Maqedonia drejt Shqipërisë.
Sipas mjekëve, këmbët e tij rezultuan me djegie të plotë nga i ftohti i acartë.
