Lirohet nga detyra drejtori i Galerisë Kombëtare të Arteve

Lirohet nga detyra drejtori i Galerisë Kombëtare të Arteve, Erzen Shkololli.

Vendimi u miratua gjatë mbledhjes së sotme të KËshillit të Ministrave dhe me firmë të kreut të qeverisë Edi Rama, hyn në fuqi menjëherë.

Kujtojmë se disa ditë më parë ka qenë vetë Shkololli ai i cili përmes një postimi në rrjetet sociale njoftoi se në përfundim të mandatit të 4 të tij në krye të këtij Institucioni ka vendosur që të largohet.

NJOFTIMI I PLOTE

Vendime të miratuara në mbledhjen e Këshillit të Ministrave, datë 26 Janar 2022:

VENDIM PËR LIRIMIN NGA DETYRA TË DREJTORIT TË GALERISË KOMBËTARE TË ARTEVE

Në mbështetje të pikës 2, të nenit 100, të Kushtetutës, dhe të pikës 4, të nenit 9, të ligjit nr.10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës, Këshilli i Ministrave.

VENDOSI:
Erzen Shkololli, drejtor i Galerisë Kombëtare të Arteve, lirohet nga kjo detyrë.
Ky vendim hyn në fuqi menjëherë.

K R Y E M I N I S T R I
EDI RAMA