Kryetari i Partisë Agrare Agron Duka ka folur për zgjedhjet e pjesshme vendore të 6 marsit.
Në këtë proces pritet që PD të hyjë e ndarë, ndërkohë që aleatët janë ende në mëdyshje nëse duhet të bashkëpunojnë me Berishën apo me Bashën.
“Është e vërtetë që PD garon në një moment të vështirë, ndoshta nuk do të ishte momenti më i mirë për të garuar për arsye të konfliktit që kanë dy grupet e PD-së. Në këto kushte ne kemi vendosur të mos bëjmë aleancë me asnjë nga grupet. Në qopftë se ne do të bëjmë aleancë me një prej tyre ne do ti shërbejmë ndarjes dhe jo bashkimit të së djathtës, Kemi vazhduar me shpresën se të gjithë aktorët do të binden për të nxjerrë një kandidat të përbashkët.
Nëse do të dalim me dy kandidatura kjo do të jetë në favor të kundërshtarit politik. Shpresat janë të vakëta për të arritur një konsensus. Në keto kushte PAA ka vendosur të mbështes një kandidaturë që është më e pëlqyeshme për qytetarët sipas kontakteve që kemi ne me bazën. Kjo mund ti përkasi në një bashki grupit të rithemelimit apo në një bashki tjetër Partisë Demokratike. Kjo është zgjidhja e vetme që mendojmë se mund të shërbejmë për të fituar ndonjë nga bashkitë”, u shpreh Duka.
I pyetur nëse kjo zgjidhje do të krijonte konfuzion te mbështetësit e PAA-së, ai tha se maksimumi që mund të bëjnë sot aleatët e PD-së është që të mos nxisin përçarjen.
“Nuk besoj se krijon konfuzion, konfuzionin e kanë krijuar vet këta me këtë lloj ndarje. Ne po orientohemi drejt kandidaturës më të mirë sipas konceptit tonë. Ajo që mund të bëjmë ne aleatët e vegjël është të mundohemi që sëbashku të jemi në kohezion në përkrahjen e një kandidature.
Duke bërë një vlerësim objektiv, ne aleatët, ku është kontributi që ne mund të japin. Kjo politikisht nuk bën sens sepse sepse ne nuk bëjmë aleance parazgjedhore me asnjë nga kandidatët por mendoj se është më e arsyeshme për të çuar drejt fitores. Zgjedhjet vendore kanë nje specifik, kandidati ka nje peshe me te madhe sesa vetë partia në shumë raste”, vijoi Duka
Kreu i PAA tha se ka pasur kontakt qoftë me grupin e Rithemelimit, qoftë me PDnë zyrtare të Lulzim Bashës.
“Ne kemi ftese nga të dyja palët dhe kemi mendur të mbajme këtë qëndrim. Per sa i perket siglës grupi i rithemelimit duket se e ka gjetur rrugën sepse mund të bëjë nje aleance me LSI, ndërkohë edhe z.Ndoka ka shprehur vullnetin për të bashkëpunuar dhe mesa di janë në kontakte të vazhdueshme me grupin e rithemelimit.
Besoj se ka edhe parti të tjera të vogla që mund te mos jenë parlamentare që mund ti bashkohen komisionit te rithemelimit dhe ata mund të bëjnë nje koalicon dhe ti vënë një emër. Një mënyrë tjetër është që ata të dalin me kandidatë të pavarur, por rruga më e mirë mbetet ajo e koalicionit, pasi të bën më komod në garë”.
I pyetur nëse ka shanse opozita që të fitojë ndonjërën prej bashkive, nëse hyn e ndarë në garë, Duka u shpreh pesimist.
“Duke hyrë opozita e përçare une besoj se është shumë e vështirë. Kundështari politik është unison është edhe në pushtet. Në keto kushte është e veshtirë por jo e pamundur. Në Shkodër që është bashki e djathtë mendoj se ndonjëri nga grupet do të mund të siguroj më shumë vota se maxhoranca”, përfundoi Duka.
