Pasojat “katastrofike” nga shpërthimi në Athinë, ndërtesa të dëmtuara deri në 200 m larg

Publikohen pamjet nga shpërthimi i fuqishëm që tronditi Athinën mëngjesin e sotëm. Shpërthimi i fuqishëm në Avenue Syggrou 3 ndodhi pak pas orës 06:00 dhe sinjalizoi alarmin në zonë, mirëpo krijoi edhe një skenë “lufte”.

Tanimë kanë nisur edhe hetimet mbi shkakun e shpërthimit teksa nga vlerësimet fillestare duket se bëhet fjalë për rrjedhje gazi. Si pasojë e shpërthimit mbeti i plagosur një burrë 78-vjeçar, i cili është dërguar menjëherë në spital ku i është nënshtruar edhe një operacioni. I moshuari ka lëndime në të gjithë trupin.