“Të pastrehët flenë në shkallën ku lindi Rama” Mjeku Kalo nxjerr pamjet e trishta: Mbrëmë 24 orëshi më i ftohtë

Në këto ditë ngricash kur temperaturat bien natën nën zero, ka të pastrehë që flenë në shkallët e pallateve në Tiranë.

Ky fenomen ka shqetësuar dhe mjekun Tritan Kalo.

Ai ka lëshuar një britmë zemërimi duke publiikuar dhe disa pamje të trishta, duke mos lënë pa përmendur dhe kryeministrin Edi Rama.

“Mbrëmë dhe sot 24-orëshi më i ftohtë i këtij dimri, – shkruan Kalo. – Ndërkohë që “lukunia pusht-shtetbërëse” çirret për drejtësi e vijojnë shqyerjen e “tortës buxhetore”, qytetarë të saj e kalojnë acarin e natës në kushtet e mëposhtme

Mendoni e veproni edhe për ta. Vendi ku janë “strehuar” është ngjitur me shkallën ku ka lindur kryeministri ynë, pranë Bibliotekës “Musine Kokalari”, pallati 18, shkalla 1 në bulevardin “Zhan D’Ark”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

31 vite “qenëzënie” për prona, para e pasuri të patrashëguara dhe të pamerituara, nga ju të gjithë “politiqenët” tanë të të gjitha ngjyrave partiake, që për atdhe e komb keni vetëm çifliqet tuaja…kurrë mos harroni se edhe ata e jo vetëm, janë bij e bija të këtij vendi. Janë vëllezërit e motrat tona.

Quo vadis Shqipëria ime e këndej Drinit?!” përfundon mesazhi i mjekut të njohur.